تنشيط العضويه | استعادة كلمة المرور | طلب كود التفعيل  | اعلن في طوكيو  

تابعونا على انستقرامتابعونا على الفيسبوكتابعونا على تويتراشتركوا في قناتنا على اليوتوبتابعونا على تمبلر

  

 

 


العودة   منتدى طوكيو > الاقـــسام الــعامه > الأقسام الثقافيه والدينيه > منتدى القصص | Stories

إضافة رد
 
أدوات الموضوع انواع عرض الموضوع
قديم منذ /11-14-2009, 10:24 PM   #1

احساس و شوق
روح المنتدى
 
الصورة الرمزية احساس و شوق

احساس و شوق غير متواجد حالياً

 رقم العضوية : 4201
 الجنس : بنت
 تاريخ التسجيل : Apr 2008
 المكان : ليس المهم اين اكون المهم من اكون
 المشاركات : 224
 التقييم : 152

افتراضي روايه قلي منين ابوسك حتى ترتاح

 

هذي القصه قريتها وعجبتني وحبيت انقلها لكم

لشخصيات الرئيسيه:
مرام:17سنه ((طالبة ثالث ثانوي قسم علمي))
حمد:20سنه ((طالب سنه ثالثه طب عام))
نور:19سنه ((طالبة سنه ثانيه تسويق))
رشا:18سنه((طالبة سنه اولى فنون جميله))
عبد الرحمن :19سنه ((طالب سنه ثانيه هندسة ))
امجد:23سنه ((ثانوية عامه فقط اعمال حره))
الخاله امل:30سنه ((ام لبنتين ))
دانه:23 سنه ((طبيبة اطفال))
باقي الشخصيات تعرفوا عليهم من خلال سرد القصه ...
احفظوا الاسماء جيدا حتى يتسنى لنا طرح القصه

بسم الله الرحمن الرحيم وبه نستعيين
الجزء الاول

قلي منين ابوسك حتى ترتاح ...من وجنك ولا خدودك ياتفاح

دقت الساعه السادسه صباحا وحان وقت الاستعداد للنهوض للمدرسة
ام مرام : يالله يمه مرام الساعه 6 بسرعه قومي للمدرسه
مرام بأحلى ابتسامه بالكون :زين يمه صحيت
مرام دي فيها خفة دم مو طبيعيه تخلي الي معاها حتى لو كان متضايق بقمة السعاده حنونه طيوبه وفوق كل شي محبوبة من الي حواليها ... بنت عاديه لكن صفاتها مسوتنها اميره على كل الي يعرفها...

قامت مرام ودخلت الحمام (الله يكرمكم)) وقضت حاجتها وطلعت والحين تلبس ملابسها وإلا جوالها يرن... ملك الروح يتصل بك.. فر قلب مرام من الوناسه ووجها رسم ابتسامه مو طبيعيه ردت بكل حنيه وقبل لاتتكلم ...
ملك الروح: صباح الخير ياعمري
مرام : هلا صباح النور والسرور
ملك الروح : شلونج حياتي
مرام : بخير اسأل عن لونك
ملك الروح : بخير دامج بخير حبي
مرام : تسلم
ملك الروح : يالله مرومه اخليج تجهزيين نفسج تحملي بروحج قلبي وحطي بالج على الدرس
ملك الروح : اي ولما ترجعيين من المدرسة لاتنسين تطمنيني عليك
مرام: ان شاء الله ..يالله اشوفك على خير
سكرت مرام الجوال وبدأت تفكر في عشيقها وعينها مليانه حب وعشق وووو
طبعا تبون تعرفون من ملك الروح ... امممم ملك الروح هذا اهو حمد ابن عمت مرام...
مااطول عليكم...
جهزت نفسها مرام وراحت عطت امها وابوها ارق بوسة بالدنيا على روسهم وتيسرت مع ابوها بأمان الله للمدرسه..
ام مرام :ملاااااك يمه الى متى ابوج واختج الحين وصلوا المدرسه وانتي بعدج
ملاك: (اوووه انعل ابو المدرسه لا بو الي اخترعها)<<بداخلها.. الحيين يمه الحيين كاني
ام مرام : ليش كل هالتأخير يمه الحين على ماتوصلي المدرسه بكون دق الجرس
ملاك : لايمه في وقت
وصلت مرام المدرسه وبعد ماألقت التحيه على صديقاتها الي استقبلوها بكل تعابير الترحييب<<<قلت لكم ان الكل يحبها
جلست على كرسيها وفكرها بعييييييييد طبعا تفكر بملك الروح الي ملك قلبها وتربع بعرشه
حنان: مرووووووووم وين شارده اكلمج
مرام : هلا حنونه شلونج
حنان : انا اوكي انتي الي في من شارده
مرام : فيج حياتووو
حنان دي اقرب صديقة الى مرام وعلاقتهم مثل الخوات كل وحده بئر اسرارها عند الثانيه...
بيت العم حامد
اول من صحى من النوم نور كانت ملهوفه للجامعه حيييييييل طبعا مو حب في الدراسة بس لأنها بتشوف عديل الروح >>عبد الرحمن .. يحبون بعض من ثلاث سنين...
ركبت نور السياره وسارت بحفظ الله للجامعه... واول مادخلت السياره باركات الجامعه كان عبد الرحمن بستقبالها...
عبد الرحمن : هلا بعقل وقلب عبد الرحمن
نور : اهليين عمري شخبارك
عبد الرحمن : اخباري يديعونها الساعه 8
نور : والله..اقول يالله لا تتأخر على المحاضره
عبد الرحمن : من عيوني
تقدمت نور وكان عبد الرحمن وراها اول ما وصلوا لمكان كان تقريبا مافي احد مسك نور من خصرها من ورا ولفاها لقدامه صارت له اقرب من انفاسة ...وطبعا نور تبي تخلص من يدينه لكن لامحال..
عبد الرحمن: تبيني ادخل المحاظره قبل لا اذوق العسل الي يدبحني ... وباس خد نور بحركه سريعه ... وركض
نور : اوريك ياعبد الرحمن ماتجوز عن حركاتك( والله لو ماسويتها مدري وش حالي فديت الشفايف والله) << بداخلها
وبين ما نور بالمحاضره جاها مسج فتحت تلفونها واذ: أبي
أضمك ضمه بعدها الموت
ابي نهاية دنيتي
يووم اضمك
والاسم عديل الروح ... نور كانت عارفه ان اهو لأن هالحركه ماغيرها من يوم ماعرفها
ردت بقلبها قبل لا يوصل المسج لعند عبد الرحمن: تخيل يوم عانقني خيالك خاطري وش قال ؟؟
تخيل قبل اسولف سألني عنك وجداني ..
سألني لين خلاني .. مدينه هزها زلزال !!
تخيل ماهدا حتى لقاك .. بوسط شرايني
وعلى هالحال يوميا والله يستر من الدرجات نهاية الكورس ...
نرجع الحيين الى مرام الي ماصدقت كمل الدوام تبي ترجع تتصل على حمد الي كان ينتظرها على نار...
اول ماطلعت من بوابة المدرسة برفقة حنان لمحت سيارة حمد، الابتسامه من الاذن الى الاذن راحت تركض لعنده بدون حتى ماتودع حنان ركبت معاه السياره وطبعا الاخ رومانسي حييييييييييييييييييييل
حمد : هلاااااا بالورد
مرام : اهليين اشفيك جاي لعند المدرسه ؟ ليكون جاي تغازل؟
حمد : احد عنده القمر ويطالع النجوم
طبعا مرام خجوله حيييييييل لكن بقلبها ودها تضمه وتبوسه وووو
حمد : فديت الخدود والله وخد يدها وكان يبوسها بلهفه صبعه صبعه
طبعا مرام كانت تبي تسحب يدها بس ماقدرت عليه وظل ماسك يدها وحاظنها على صدره لي ماوصل البيت
(في بيت مرام)
مرام : سلام يمه
ام مرام : هلا يمه
مرام :يمه معاي حمد ولد عمتي لا قيته جنب المدرسة واصر انه يجيبني
ام مرام : حياه الله يمه قولي له يدخل
دخل حمد وسلم على مرت عمه...الي اصرت انه يتغدا معاهم...حمد دخل الصاله ومرام راحت غرفتها تسبح وتغير ملا بسها... بعد ماطلعت مرام من الحمام((كرم الله القاريين)) شافت مسج وكذا مس كول بجوالها طبعا اكييييييييييد من حمد الي كان على احر من الجمر لبست ملابسها بسرعه وراحت له كان قاعد مع ملاك وهو انتبه لها بس سوى روحه ماانتبه
حمد: ملوك حبيبتي وشلون المدرسه بعد <<<يبي يقهر مرام الي حدها جافه معاه ماتطلع الكلمه الا بطلعة الروح
ملاك : وععععع ضيق الله خلقك حمود ضيقة خلقي .. يالله كا مرام انا بروح اغير عن اذنك
مرام تقلد صوت حمد : ملوك حبيبتيــ ...
حمد : فديت الي يغارون والله التفت يمين ويسار ماشاف احد كانوا بروحهم بالصاله سحب مرام من يدها وخلاها على رجله وظل يبوس فيها بجنون
مرام: حمد جنييت الحين احد يشوفنا
حمد : اذا مابستيني الحين بصرخ بأعلى صوت وبقول احبـــــــــج
مرام : لا تكفى ...
حمد طبعا موته يسوي هالحركات بمرام المسكينه غمض عيونه وهي بعده على حضنه ...مرام كانت خايفه احد يشوفهم لكن حمد كان ماسكنها من خصرها ومصر على انها تبوسه ...واخيرا مرام باسته على خده مافتح عيونه واشر براسه ان لا طبعا مرام فهمت ان كان يبي البوسه عل شفايفه لكن عملت عكس الي يبي باسته على رقبته ... اهنيه حمد فتح عيونه مو مصدق
حمد: انتي اكيد مرام؟ <<مو مصدق الصبي
مرام : شنو تشوف
حمد : ممكن تعيدينها ؟
مرام بضحكه تدبح.. كررت الي سوته وقبل لا تشيل شفايفها عن رقبته ويدها الي كانت على صدره فتحت ازرار القميص وعضته وقامت تركض عنه
حمد ماصدق قال اكيد بحلم <<من حقه الصبي يحب البنيه من سنين ماتقول له كلمه حلوه الا بطلعت الروح بس هالمره شصار مايدري
قاطع سرحان حمد صوت عمه سعد (ابو مرام) سلم عليه وقاموا على الطاوله
طبعا حمد كان مقابل مرام وطول الوقت كان يطالع فيها وسرحان
مرام لاحظت انه بدا يشد انتباهم فرفسته برجلها من تحت الطاوله ونظرة له بنظره يفهمها...
(بيت ابو مازن)
في نفس هذا الوقت كانت رشا تصيح ليش عاد الحين نعرف
رشا ذي بنت دلوعه ومغروره واغلب الاوقات تضايق الي قدامها .. المهم هالبنت بعد تعشق ((عائلة عشاق))بس هالمسكينه الي تحبه مايدري عن هوى دارها هذا الواحد اهو امجد الي يموت بالتراب الي تمشي عليه دانه.. طبعا دانه ماتعرف بهذا الشي ولا حتى رشا تعرف ان الشخص الي تحبه يحب بنت خالتها.!
واليوم شافت الصبي جنب المكتبه وسلمت عليه ومارد عليها البنت نقهرت وظلت تصيح...<<((ليش هالخفافه ثقلي شوي))

نرجع الى روميو وجوليت((حمد ومرام))<<لايقين لبعض صح؟
بعد ماكملو الغدا وشربوا الشاهي ودع حمد عيال عمه ووصلته مرام لعند الباب طالعها بنظره واشر لها انها تشوف شي على الارض البنت ماتدري نزلت راسها من هنا وحمد باسها على شفايفها من هنا... وطبعا ماشافت الا غباره
مرام: فدييييييييت قلبك يالغالي فديت ريحتك الي تجنن فديت وفديت....<<بخلص الوقت والبنت تفدي...
حمد بالسياره كان يعيد شريط الي صار اليوم مسكين مو مصدق او مو قادر يصدق والي زاده لما رن جواله رنت المسج ماتوقع مرام ابدا اهي ماترسل الا لما اهو يرسل... المسج: أخــذت حـبـي وودي
وكـل أحاسيسي الرقـيقة
تـرى قلـبي على قـدي
وانـت دلـيت طـريقـة
تـبي جـوابــي وردي
ومشـاعري عـالحـقيقة
لـو هي ظـروفي بيـدي
مـا اغيـب عنـك دقـيقة
انهبل الصبي طق البريك بقوه وظل يقرا المسج مرتيين وثلاث ماقدر يتحمل
دق على مرام وقال لها : مرام فيج شي اليوم مريضه ؟ تعبانه ؟
مرام : لا ياعيون مرام ماشر
حمد : متأكده
مرام : اي
حمد :....
مرام : عجل ملاك حبيبتك هاااا؟
حمد: بضحكه ساخره الحيين هذا السبب ..دام الغيره تعمل عمايلها ابشري كل يوم بمثله
مرام : سكرت الخط بقهر وقفلت تلفونها
حمد: فديت الغيره والله وظل يبوس بالجوال
مرام تفكر بالي حصل وشلون تجرأت اليوم وسوت الي سوته قطعت حبل افكارها وقالت بصوت حنون: والله اموووووووووووت عليه

(في المستشفى)
كانت دانه مرهقه من الدوام ويدوب جلست على الكرسي ..طقت الممرضه الباب وقالت ان في طفله تحتاج معاينه بسرعه...
وبما ان دانه موتها وجنونها الاطفال وهذه شغلتها قالت لها قولي لهم يتفضلون ..
طلعت الممرضه ودخل امجد...طبعا دانه ماتعرفه بس اهو يعرف كل شي عنها .. وقف يناظرها من فوق الى تحت ودانه استعجبت من هالنظرات...

تتوقعون ليش امجد رايح المستشفى...وشنو يبي من دانه ...وشنو الحوار الي بدور بينهم...


انتظرونا بالجزء الاخر مع(قلي منين ابوسك حتى ترتاح)
رجاءا لاتحرموني من ردودكم ورايكم واكيد تعليقاتكم؟؟؟....

(منقوله)





 

 




  

رد مع اقتباس
قديم منذ /11-14-2009, 10:25 PM   #2

احساس و شوق
روح المنتدى
 
الصورة الرمزية احساس و شوق

احساس و شوق غير متواجد حالياً

 رقم العضوية : 4201
 الجنس : بنت
 تاريخ التسجيل : Apr 2008
 المكان : ليس المهم اين اكون المهم من اكون
 المشاركات : 224
 التقييم : 152

افتراضي

 

الجزء الثاني))
في المستشفى ... دخل امجد لعند دانه او وقف يناظرها من فوق الى تحت طبعا دانه استعجبت من نظراته وحست ان بياكلها بعيونه ..لاحظت دانه ان يحمل بنوته صغيره بدراعه
بعد لحظات من الصمت تحركت شفايف دانه الفراوله
دانه: تفضل اخوي استريح
امجد: شكرا
دانه: امر من شنو تشكو الطفله
امجد :....
دانه تكرر السؤال: اخوي انت معاي
امجد: معاش ياروحه<<بداخله
امجد: والله يادكتوره ماادري شفيها بس ماتنام باليل عدل
دانه : شفيه الحين هذا سبب يجيب الطفله فيه المستشفى <<بداخلها
دانه: اخوي الواضح انك جديد لكونك اب؟!
امجد: لادكتوره هذه بنت اختي
دانه : او وين امها عنها
امجد : امها عطتك عمرها من يوم جابتها
دانه :...
امجد: والبنت الحين عمرها 6شهور ونخاف عليها من نسمة الهوا
دانه: دمعة عينها واخدت البنت من امجد وضمتها لصدرها
دانه : اخوي البنت مافيها شي والحمد لله لكن الاطفال في هذا السن طبيعي انهم دوم يبكون اوماينامون عدل
امجد : طمنتيني دكتوره
دانه : بس هذا مايمنع انك تحضرها لعندي كل شهر وانا ان شاء الله بساعدك وراح اعمل اللازم
امجد :مشكوره دكتوره وماقصرتي
دانه : ولو هذا شغلي
امجد : وقف على طوله وكان يبي ياخد البنت من دانه بس كان مستحي
قرب من دانه وحط يدينه على يدينها واخد البنت
طلع امجد من الغرفه وريحة عطره انتشرت بالمكان .. وتعرفون بعد يالبنات ريحة عطر الشباب الي تدبح
دانه : تستنشق الهوا الي مليان عطر امجد وهي حاسه انها تعرف هالشاب من زمااااان
دانه : والله ودخلت قلبي هالبنوته تهبل الله يخليها يارب

وبينما امجد في باركات المستشفى والبنوته على حضنه قام يبوسها مكان الي مسكتها فيه دانه
وقعد يتخيل شكلها ونعومتها ورقتها ودمعتها الي نزلت بكل عطف وحنيه

بيت العم حامد
كانت نور تشاهد التلفزيون مع امها واخوتها
دق جوالها وكانت مرام
نور بصوت كله نعومه: هلاااااااا مرووووومه
مرام: ياهلا شلونج
نور : طيبه وانتي
مرام : بخير حبيبتي
نور : والله ولك وحشه شلون خالتي وملاك
مرام : كلنا بخير وشلونكم انتو
نور : مشتاقيين
مرام : نور ابي منج طلب
نور : عيوني لج
مرام: اذا ماعليج امر ابي اروح المجمع وماعندي احد ياخدني
نور : غالي والطلب رخيص مسافة الطريق وانا عندج
مرام : مشكوره حبيبتي يلا سي يو
نور: باي
سكرت نور الخط من مرام واستأذنت امها انها تطلع وامها مامانعت طبعا
غيرت نور ثيابها وركبت السياره
ويدوب شغلتها رن تلفونها
عديل الروح يتصل بك
نور: هلا والله
عبد الرحمن : بالورد
نور : شخبارك
عبد الرحمن : بخير، ها وينج كأن اسمع صوت السياره
نور : اي والله طالعه
عبد الرحمن : على وين ياعيونه
نور: رايحه المجمع مع بنت خالتي
عبد الرحمن : تحملي بروحج ولاتسرعيين عمري
نور : ان شاء الله قلبي
عبد الرحمن: اخليج باي
نور : بايات

حركت نور السياره او وصلت لعند بيت خالتها الي مايبعد عن بيتهم بأكثر من 10 دقايق.. وبمجرد ماوصلت سوت مس كول الى مرام وطلعت لها

في بيت دانه
دانه كانت مستلقيه على سريرها ونافشه شعرها الكستنائي الي انعم من الحرير على الفراش الوردي والبجامه الفاتحه وصايره كأنها اميره من جمالها
كانت تفكر بالشاب الطويل الوسيم الاسمر ذو العين الكحيله والشعر الاجعد
تفكر فيه وكأنها تعرفه من زمااااان .. كانت نظراته مو غريبه كأنها تعودت عليها من قبل
حاولت تجمع افكارها وين شافته لكن لامحاله واستسلمت الى النوم

في المجمع
مرام : نواااااااره شوفي هالتنوره حدها كيووووووت
نور: اي شكلهاااااا مررررره نعومه
مرام : لازم اشتريها
نور: يلا
مرام دخلت المحل وقبل لاتدخل وراها نور شخص مسكها من ذراعها لفت ولا هو عبد الرحمن
عبد الرحمن: يعني تبين الشباب الي بالمجمع كلهم يشوفونج انا لا
نور: طبعا لا
عبد الرحمن : خلصي مع بنت خالتج وتعالي صالة المطاعم عازمكم على كاس عصير
نور: بس كاس عصير
عبد الرحمن: كاس عصير مو طبيعي
نور: بعد
عبد الرحمن : كاس مليان حب وقبلات حاااااره

نور تركته لا يتهور وراحت ورى مرام الي شرت التنوره والحين تدور لها بدي
مرام: اخد البدي اي لون سلفر او ...
نور: لا شنو سلفر اخدي احمر وااايد حلو الاحمر عليج
مرام بأبتسامة خجل : شكرا
نور: مرام شفت عبد الرحمن والحين اهو عازمنا
مرام : والله واخيرااااااا راح نشوفه
نور: واخيرا
مرام بهبل: يلا


في الجمعيه
كانت رشا رايحه تشتري لها كم غرض طبعا رشا بنت جميله بمعنى الكلمه
كانت عيون الشباب تلاحقها وهي تبتسم مع 10 وتطنش 1
المهم شافت واحد عجبها طول واكتاف عريضه اسمر لا بس شماغ وثوب وباين عليه رزه ..ذكرها بأمجد الي مايدري عنها
المهم هالشاب ابتسم لها ابتسامه تدبح بينت غميزاته
طبعا رشا بادلته .. مر عليها
الشاب: مرحبا
رشا: هلا
الشاب : تفضلي
عطاها رقمه وسار عنها
رشا لفت بعيونها عليه وتطالع هيبته وهو يمشي

رجعت رشا البيت وطبعا ماتقدر لازم تتصل فكرت وفكرت وقررت تتصل
المكالمه
رشا: هاااي
الشاب: اهلا ، من معاي؟
رشا : انا البنت الي شفتها بالجمعيه
الشاب: هلااااااااااا
رشا: اهلا فيك
الشاب : شسمج انتي
رشا: اخاف اقول له اسمي وسوي لي سالفه <<بداخلها ..اوووه على الله
رشا
الشاب: عاشت الاسامي
رشا: عاشت ايامك
الشاب : انا اسمي يوسف وعمري 23 سنه
رشا : تشرفنا.. وانا عمري18
يوسف: هههههه بعدج يااااهل
رشا : ياهل !!
يوسف: لا اجمل بنوته وزينة البنات كلهم
رشا : تسلم
يوسف: اقول ابي اشوفج اليوم
رشا : اليوم وين ومتى؟.... ((ماصدقت البنيه فشلتنا))
يوسف: ههههه بالمارينا على 10 يناسبج
رشا : اي اوكي
يوسف: خير اشوفج بالموعد باي
رشا :باي

بصالة المطاعم
نور: مرحبا
عبد الرحمن : هلا وغلا
نور : عبد الرحمن هذه مرام
عبد الرحمن: اهلا مرام
مرام : ياهلا
عبد الرحمن : تفضلوا
مرام كانت تطالع عبد الرحمن الشاب الابيض ذو العينين العسليتين والملابس الشبابية الراقية والستايل وووو
نور : يلا شنو بتعطينا
عبد الرحمن: قلبي
نور : بس قلبك
عبد الرحمن : كلي لك
مرام: احم احم نحن هنا
عبد الرحمن : اوووه نسيتك
مرام : طبعا
نور: يلا عاد الحين لاتستحيين وقولي شتبين
مرام : ابي عصير بااارد يبرد على قلبي
نور : حرام عليج يمكن حمد مو لابس جاكيت
مرام : اي والله فدييييته
عبد الرحمن : ههههه اقوم اطلب لكم شي
نور الى مرام: ها شرايج فيه
مرام : بصراحه وااااااايد كووول
نور : ههههه بس طبعا مو مثل حمد
مرام : اكيييييييييييييييييييييييد
رن تلفون نور رنة المسج وقبل لاتفتحه
نور: تراهنيني هذا عبد الرحمن
مرام : اراهنك
نور تقرأ المسج: سرت أطالع وألقى شراويك ..
ما لقيت مثلك فهالعالم بشر ..
خذت الحسن من اللي حواليك وخذت من القمر نور وسفر ..
في مهجتي لك درب ومساليك ما مشابه غيرك مالعالم نفر..
أعزك
وأودك
يالغلا واغليك
وسويتلك مالغلا في قلبي نهر
مرام : منه
نور : اي
مرام: هههههه مداه اشتاق
نور : اممم انا بعد وحشني
وردت عليه... مهما تروح وتبتعد ما اقدر انساك صورتك في داخل عيوني سكنها ..
أعيش كل الوقت مع طيف ذكراك ياروحي الي ما تبريت منها:
تنور حياتي لا تقابلت وياك
وتذبل ورودي لا بتعدت عنها
يا كثر ما احبك وياكثر مهواك
محبتي لك ما يقدر ثمنها.

مرام : انا غرت بدز مسج الى حمودي بعد
نور: دزي احد ماسكك
مرام : شأرسل اممممم..اي هذا حلو ..
على رشفة أمل ضامي أبي نغمة هلا بشفاك أبي أغرق إلين أغرق و أذوب بموج أحضانك
وصل المسج حمد مني ودق مني
رنة جوال مرام
القلب سلم لك امره في حالتي انت ادرى ((راشد الماجد))
طبعا ملك الروح

مرام : هلا والله بالي ناسيني
حمد: اهليين افاااا مرومه انا ناسيج بس مشغول اليوم مع الربع
مرام : اهاااا والربع ياخدونك مني
حمد : وهم يقدرون
مرام :امممممم
حمد : وينج انتي
مرام : طالعه مع النوير بنت خالتي بالسوق
حمد : وليش ماقلتي لي اوديج
مرام : لا مره ثانيه اقول لك
حمد : امممم منشوف
مرام: حمود حبيبي اخليك الحين تيك كير
حمد : اوكي عمري اند يو
وسكرت الخط وعبد الرحمن جاب العصير والايسكريم وتخيلوا الموقف اهو قاعد قبال نور ومرام جنبها والناس كلهم تطالعهم
تتوقعون ليش الناس تطالعهم

في المارينا الساعه 10:10
رشا تدور على يوسف واخيرا شافته راحت الى عنده
رشا : مرحبا
يوسف : هلا
يوسف : والله يارشا شكلج الحيييين وااااايد احلى من العصر تهبليين
رشا بخجل : عيونك الحلوه
يوسف : بكلمج عن نفسي شوي
رشا : وانا يسعدني اسمع
يوسف ببتسامه: اسمي وعمري تعرفينه انا اشتغل مع الوالد في شركة عقارات وتخليص معاملات .. وحيد امي وابوي ..ويسعدني اني تعرفت عليج
رشا : وانا بالاكثر ..وانا طالبة سنه اولى فنون جميله
يوسف وهو حاط يده على كتفها: انتي الجميله والله
رشا بعدت شوي عنه: تسلم
يوسف: انتي كم واحد كلمتي قبلي
رشا بغضب : شهالسؤال
يوسف :لا تزعليين بس ابي اعرف
رشا : انت اول واحد
يوسف: اكييييييد
رشا : اي والله و انت ؟
يوسف : وانا بعد انتي اول وحده ..ومن الاخير انا ابي اخطبج لأنج عجبتيني ومااكذب عليج واقول حبيتج الحب بعد الزواج
رشا : بهالسرعه
يوسف : اي احسن
رشا : عطني فرصه افكر
ماطولو بالقعده ولما رجعت رشا البيت راجعت احساباتها وفكرت وزنتها يمين ويسار وقررت توافق ((انزين وحبج لأمجد يارشا))
بعد اكثر من اسبوع دقت رشا على يوسف وخبرته ان هي موافقه يوسف استعجب من هالسرعه لكن قال احسن ابيها بسرعه بنت رووووعه ماتتفوت وابوي يبيني اتزوج بسرعه وهذه فرصتي لقيت البنت الي في بالي صغيرونه وحلوه وماراح ترفض لي اي طلب وفوق كل شي حسب ونسب

نرجع الى نور ومرام وعبد الرحمن
قلنا ليش الناس يطالعونهم
جاب كاسات عصير شكلهم غرررررريب وحامل ورقه كبييييييييييره ومكتوب فيها احبج واموت فيج
نور تغيرت الوانها وقالت : عبد الرحمن استجنيت
عبد الرحمن بصوت عالي : اتقبلين الزواج من عبد الرحمن بن محمد
مرام بدون وعي وساكته وتطالع
عبد الرحمن يكرر مره واثنين
والناس يطالعونهم ويهتفون وافقي وافقي
احمر وجه نور ..مسكها عبد الرحمن من ذراعها وقال لها : اتقبليين
نور: .......
جمع الناس: اقبلي اقبلي
مرام: نور ...
عبد الرحمن وقف ورى نور وحضنها من ورى وكرر اتقبليين
جمع الناس : اقبلي
عبد الرحمن حضنها بشده : اتقبليين
نور : نعم قبلت
جمع الناس يصفقون ويباركون
ومرام حضنت نور
وحدد عبد الرحمن مع نور موعد اروح يكلم ابوها


في اليوم الثاني
في المستشفى
دخلت دانه الغرفه المخصصه لها واذا بباقة ورد حمراااااااء كبييييييييييره على طاولتها اقتربت منها شافت كارت مكتوب فيه من العاشق الولهان الى احلى الدانات
دانه : مييييري مييييري..((الممرضه))
ميري: نعم
دانه : من جاب هذه الورد هنا
ميري : واحد رجال
دانه : رجال !! من؟
ميري : مااعرف اسمه
دانه : اهاا اوكي
قعدت تفكر من من من لكن لا محاله

نفس اليوم العصر في بيت العم ابو مازن

حضر يوسف مع ابوه وعمه يخطبون رشا
وبعد تفكيير يومييين ردوا عليهم بالموافقه ... ومع مضي اقل من شهر صارت الخطبه والزواج بنفس اليوم واجتمعت العائله والفرحه معبيه المكان وووو

وبعد الحفله الي صارت في افخم فندق راح يوسف ورشا لبيتهم
كان البيت كبيييييييير وفخم ومليان خدم وحراس
دخلت رشا مع يوسف البيت وهو ماسك يدها واشار الى المصعد وقال: اليوم ماراح تركبين بالمصعد راح تركبين على الدرج
طالعت رشا الفستان الي عليها الأبيض ذو الذيل الطويل الفخم المرصع بالاحجار الكريمه
يوسف مسكها من يدها وراحوا لعند الدرج طالعها وغمز لها حملها بين ذراعيه وهي خايفه وفي نفس الوقت مستانسه وتخيلو البيت كله خدم والدرج طويييييييل
لين ماوصلوا الى غرفة النوم
اول ما دخلوا خلع يوسف الشماغ والثوب وثيابه كامل وتعطر وراح لعند رشا الي قاعده على السرير ومنزله راسهاوتقول بخاطرها: شفي ده حيييل مستعجل
وكانت مرتبكه خبركم او ليله
راح لعندها ورفع راسها بيده وطالع عيونها جلس جنبها الي يشوفهم يقول متزوجين عن حب ماكأن الموضوع عادي
تتوقعون ليش رشا وافقت وليش صار كل شي بهالسرعه ..وهل راح تحب يوسف وتنسى امجد او لا؟
تابعونا في الجزء الاخر ((قلي منين ابوسك حتى ترتاح))
لاتحرموني ردودكم بنات
وسوري على الجرأة ولاتنسوون انها قصه واقعيه وهذا سبب الجرأه فيها





 

 




  

رد مع اقتباس
قديم منذ /11-15-2009, 12:20 PM   #3

엠 버
ياباني فعال
 
الصورة الرمزية 엠 버

엠 버 غير متواجد حالياً

 رقم العضوية : 19199
 الجنس : بنت
 تاريخ التسجيل : Nov 2009
 المكان : .K.S.A.
 المشاركات : 138
 التقييم : 50

افتراضي

 

yah.. you good, this is very good
thanks




 

 




  

رد مع اقتباس
قديم منذ /11-15-2009, 05:11 PM   #4

احساس و شوق
روح المنتدى
 
الصورة الرمزية احساس و شوق

احساس و شوق غير متواجد حالياً

 رقم العضوية : 4201
 الجنس : بنت
 تاريخ التسجيل : Apr 2008
 المكان : ليس المهم اين اكون المهم من اكون
 المشاركات : 224
 التقييم : 152

افتراضي

 

مشكور ع الرد





 

 




  

رد مع اقتباس
قديم منذ /11-15-2009, 06:34 PM   #5

KORBYKA
ĶǔṞάṕịĶά čђαη
 
الصورة الرمزية KORBYKA

KORBYKA غير متواجد حالياً

 رقم العضوية : 10444
 الجنس : بنت
 تاريخ التسجيل : Feb 2009
 المكان : ḄăђЯάїŊ
 المشاركات : 2,008
 التقييم : 2031

بِمَسْمَعِيْ غَنَتْ بِلآدِيْ وَبِحُبِهَآ يَهْفوّ فُؤآدِيْ

افتراضي

 

حلاوت هاااي الرواية بلييييييييييييييييييييز كملوها
بليييييييييييييييييييييييييييييييييييييييييييييز
اترجى>>ليش تترجى على حساب رواية خبل





 

 




  

رد مع اقتباس
قديم منذ /11-15-2009, 06:34 PM   #6

KORBYKA
ĶǔṞάṕịĶά čђαη
 
الصورة الرمزية KORBYKA

KORBYKA غير متواجد حالياً

 رقم العضوية : 10444
 الجنس : بنت
 تاريخ التسجيل : Feb 2009
 المكان : ḄăђЯάїŊ
 المشاركات : 2,008
 التقييم : 2031

بِمَسْمَعِيْ غَنَتْ بِلآدِيْ وَبِحُبِهَآ يَهْفوّ فُؤآدِيْ

افتراضي

 

بسال سؤال القصة وين صارت





 

 




  

رد مع اقتباس
قديم منذ /11-16-2009, 09:57 AM   #7

Ŧǿηy ṀǿηŦảиặ
موقوف

Ŧǿηy ṀǿηŦảиặ غير متواجد حالياً

 رقم العضوية : 6384
 الجنس : ولد
 تاريخ التسجيل : Sep 2008
 المكان : HeAvEn
 المشاركات : 2,265
 التقييم : 1827

افتراضي

 

o_O

الموضوع مراااا نااايس يادوب

تحياتي

برب<<يعني في باااك^^





 

 




  

رد مع اقتباس
قديم منذ /11-17-2009, 03:44 PM   #8

KORBYKA
ĶǔṞάṕịĶά čђαη
 
الصورة الرمزية KORBYKA

KORBYKA غير متواجد حالياً

 رقم العضوية : 10444
 الجنس : بنت
 تاريخ التسجيل : Feb 2009
 المكان : ḄăђЯάїŊ
 المشاركات : 2,008
 التقييم : 2031

بِمَسْمَعِيْ غَنَتْ بِلآدِيْ وَبِحُبِهَآ يَهْفوّ فُؤآدِيْ

افتراضي

 

يالا كملوهاا





 

 




  

رد مع اقتباس
قديم منذ /11-17-2009, 04:10 PM   #9

Hangeng
ياباني فعال
 
الصورة الرمزية Hangeng

Hangeng غير متواجد حالياً

 رقم العضوية : 6077
 الجنس : بنت
 تاريخ التسجيل : Sep 2008
 المكان : عند زوجي واخوي ~
 المشاركات : 195
 التقييم : 56

افتراضي

 

يساموووووووووووووو يعطيك عافيه قصه مرررره تدنين

تحيات لك زوجة Hangeng





 

 




  

رد مع اقتباس
قديم منذ /11-17-2009, 09:56 PM   #10

الـ غ ـالية
ياباني فعال
 
الصورة الرمزية الـ غ ـالية

الـ غ ـالية غير متواجد حالياً

 رقم العضوية : 18579
 الجنس : بنت
 تاريخ التسجيل : Oct 2009
 المكان : .●. شــوق الامارات طوقنــي .●.
 المشاركات : 743
 التقييم : 24101

آللّھٌم أنيّ آستودِعُك «سنہ “ .. [ مضتّ منْ عمريّ ] .. بأن تغفِرهآ ليّ ، وترحمنيّ.. وتعّفُو عنِي

افتراضي

 

يسلموووووووو ع الروايه ..


و ننتظر التكمله ..

^^





 

 




  

رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
روايه رومنسيه جدا جدا شهد وياسر مجنونة ياسرالقحطاني قصص من إبداعات أعضاء طوكيو فقط 101 04-25-2013 08:18 PM
أسئلة تخليك ترتاح بنوتة اليابان المنتدى العام | Main Forum 24 02-16-2009 06:57 AM
ما هو السبب الذي يجعلك ترتاح للشخص من أول مرة تشوفه أو العكس؟‏ first love المنتدى العام | Main Forum 33 05-10-2008 02:44 AM
اسئله اذا قرأت اجوبتها ترتاح شوفوني وموتو قهر<المدمر> المنتدى العام | Main Forum 4 02-22-2007 11:49 PM


الساعة الآن 09:54 AM.


Powered by vBulletin Version 3.8.4
Copyright ©2000 - 2014, Jelsoft Enterprises Ltd
toookyo.com
منتدى طوكيو toookyo